Semini's 16th Wedding Anniversary with bold hair

ලබා දෙන්න පුළුවන් ලොකුම සම්පත ධම්මික මට දුන්නා

විවාහ වෙනවා කියන්නේ පොතේ අත්සන් කරලා නීතිමය කටයුත්තක් පමණක් නොවේ. දෙවිදියක දෙදෙනෙක් එක මඟ යන්නට සූදානම් වෙන අපූරු ගමනක්. කිසිම දිනක එකම විදියට හිතන පතන, එකම ආකාරයේ රුචි අරුචිකම් කොයි විටෙකත් දෙදෙනා තුළ නොතිබෙන්නට පුළුවන්.

එහෙත් එකට ජීවත් වන විට මේ නොගැලපීම් ද ගලපාගෙන ජීවත්වන්නට බොහෝ විට හැකි වෙනවා.

විවාහ ජීවිතේට පුරා වසර 16 ක් සපිරුණු අපේ ටෙලි නාට්‍ය ක්ෂේත්‍රයේ ජනප්‍රිය නිළියක් පසුගිය දිනක අපට හමු වුණා. ඇය සේමිණි ඉද්දමල්ගොඩ. නිළියක යන වෘත්තීය තත්ත්වයත් සමඟ පවුල් ජීවිතේ සමබරව ගෙනියන එක බෙහෙවින්ම අසීරු කරුණක්. එහෙත් ඒ අසීරුතා, අභියෝග සීරුවෙන් ජය ගන්න සහ ඒවාට සන්සුන්ව මුහුණ දී පවුල් ජීවිතේ සාර්ථක කර ගන්න ඇයට අවස්ථාව හිමි වුණා.

‘මගේ ජීවිතේ් දිහා ආපස්සට හැරිලා බලද්දී මට ලොකු සතුටක් දැනෙනවා. නිළියක් විදියට මේ ක්ෂේත්‍රය තුළ මම ලොකු දුරක් ඇවිත් තිබෙනවා. අනිත් පැත්තෙන් මගේ පෞද්ගලික ජීවිතය සාර්ථක කරගෙන තිබෙනවා. මට ධම්මික මුණ ගැහෙන කොට මම නිළියක් නොවෙයි.

නමුත් මගේ හිතේ කලාව පැත්තට ලොකු නැඹුරුවක්, ආශාවක් තිබුණා. මගේ සිතුම් පැතුම් ඒ කාලෙදිම ධම්මික හොඳින් අවබෝධ කර ගත්තා. මුල් කාලේ කලා කටයුතුවලට යන්න එන්න මාව වැඩි වැඩියෙන් උනන්දු කළේ සහ මට උදව් කළේ ධම්මික.

 ගැහැනියකගේ සිතුම් පැතුම් හඳුනන පිරිමියකු සමඟ සරණ යන්නට ලැබීම සැබැවින්ම ගැහැනියක සතු වාසනා මහිමයක්. ඒ වාසනාව ඇයට උරුම වුණා. ඒ නිසාම තමයි මේසා දුරක් ඇයට ඔහුත් සමඟ, ඔහුගේ ආදරය, සෙනෙහස, රැකවරණය ඇතුව එන්නට හැකි වුණේ.

‘අපි විවාහ වෙලා අවුරුදු 16 ක් ගත වෙලා කියන එක ගැන ආපස්සට හිතද්දි ඇත්තටම පුදුමත් හිතෙනවා. අපි දෙන්නා ඉස් ඉස්සර මුණ ගැහිලා ආදරේ කරපු කාලේ තාමත් මට අද ඊයේ වගේ මතකයි. ඒ කාලේ ධම්මික කලබලයක් නැතුව බොහොම බුද්ධිමත් මනසකින් හිතා බලා කටයුතු කරපු කෙනෙක්.

අතුල මහවලගේ, රොබින් ප්‍රනාන්දු, සේමිණි හා ධම්මික

සේමිණි, ගයනා සුදර්ශනා, ධම්මික, සහන් විජේසිංහ, ජාතික රූපවාහිනියේ අධ්‍යක්ෂ ජනරාල් දේවප්‍රිය අබේසිංහ සහ සේමිණි දියණි කුමලි

ඒ කාලේ ඉඳලම මගේ තිබුණෙ හිතුවක්කාර ගතිගුණ. ඒක ධම්මික හොඳින් අවබෝධ කර ගත්තා. ඒ හිතුවක්කාරකමට ඔහුත් හිතුවක්කාර වෙලා අනුවණ විදියට වැඩ කටයුතු කර ගත්තා නම් අපි දෙන්නට මේ විදියට දීර්ඝ ගමනක් එන්න ලැබෙන්නේ නෑ. මේ ගත කරපු අවුරුදු 16 පුරා අපි දෙන්නා දුක සතුට සම සමව බෙදා ගත්තා.

අපේ ජීවිතේට අභියෝග ආවේ නෑ, හැල හැප්පීම් ආවෙ නෑ කියලා මම කියන්නේ නෑ. එහෙම කියනවා නම් ඒක බොරුවක්. නොයෙක් විදියේ හැල හැප්පීම් අපේ පවුල් ජීවිතේටත් ආවා. ඒත් ඒ දිහා බලලා සැලිලා ජීවිතේ වෙනස් කර ගන්න අපට සිද්ධ වුණේ නෑ. ධම්මික මේ හැම දෙයක් දිහාම බැලුවේ හැඟීම්වලින් නොවෙයි. බුද්ධියෙන්. බුද්ධිමත්ව ඒ හැම දෙයකටම මුහුණ දුන්නා.

ජීවිතේ ඔහොම තමයි, ඕන තරම් හැල හැප්පීම් තිබෙනවා. ඒ හැම දේටම මුහුණ දීලා ජීවිතේ ජයගන්න එක හපන්කමක්. සේමිණිටත් විවාහ ජීවිතේ දරන්න වුණු සුවිසල්ම අභියෝගයක් කාලෙකට ඉහත දී තිබුණා. ඒ විවාහ වෙලා අවුරුදු 06 ක් යනකල්ම දරු සම්පතක බලාපොරොත්තුව ඉටු නොවීම. එහෙත් ඇයත් – ධම්මිකත් ඉවසිලිවන්තව එයට මුහුණ දුන්නා. ඒ ඉවසීමේ ප්‍රතිඵලය තමයි ආදරණීය ‘කුමලි’ දියණිය. අද ඈ නව හැවිරිදි දැරියක්.

‘ගැහැනියක් වශයෙන් මේ ලෝකෙ ලබන්න පුළුවන් ලොකුම සම්පත ධම්මික මට දුන්නා. ඒ වාගේම ගැහැනියක් අපේක්ෂා කරන ආදරය, ප්‍රේමය, සෙනෙහස පමණක් නොවේ ආරක්ෂාව, රැකවරණයත් මට ධම්මික ළඟ තිබෙනවා.

 වෙලාවකට ඔහු මට සහෝදරයෙක් වගේ කාරුණිකයි. තවත් වෙලාවකට තාත්තා කෙනෙකුගෙන් ලැබෙන ආදරය රැකවරණය මට ඔහුගෙන් ලැබෙනවා. පසුගිය දිනයක සේමිණි – ධම්මික විවාහ දිවියේ 16 වන සංවත්සරය සමරනු ලැබුවා. මේ ඈ සමරපු පළවෙනි විවාහ සංවත්සරය.

මෙයත් සංවිධානය කර ඇත්තේ ඇගේ පවුලට හිතවත් ඇගේම මිතුරු මිතුරියන් පිරිසක්. ධම්මික වෘත්තියෙන් පොලිස් නිලධාරියෙක් වුණත් සාමාන්‍යයෙන් අපි අසා තිබෙන පොලිස් නිලධාරීන්ට වඩා දරදඬු ගතිවලින් අඩුයි.

නදීකා සහ සැමියා, රෙබෙකා නිර්මලී සමගින්.

විවාහ 16 වන සංවත්සර කේක් කපමින්.

සරත් රණවීර, සෑම් පෙරේරා හා සුරංග, දිනේෂ්, උමාල් එක් වෙමින්

ඒ අමුතු ගති ලක්ෂණ නිසා වෙන්නැති අවුරුදු 23 ක සේවා කාලයක් ගත වුණාට S I තනතුරේ සිට I P තනතුර වෙනකම් එක රෑන්ක් එකකින් පමණක් ඔහු ඉහළට ගිහින් තිබෙන්නේ. නීති ගරුක සාධාරණව ක්‍රියා කරන නිලධාරීන්ට වෙන්නේ ඕක තමයි.

ධම්මිකගේත්, මගේත් ජීවිතේ එළිය කළේ කුමලි. එයා අපේ ලෝකෙට ආපු දවසේ ඉඳන් තාත්තා කෙනෙක් විදියට ධම්මිකගෙන් ඉටුවෙන වගකීම්, යුතුකම් සියල්ල ඔහු අකුªරටම ඉටු කළා. මට සෙනෙහස පෑව සැමියෙක් වගේම කුමලිටත් එයා ආදරණීය පියෙක්. ඒ දෙන්නා හරිම යාලුයි. මගේ සැර වැරකම්වලින් කුමලිව බේර ගන්නෙත් ධම්මික.

සෙනෙහස සපිරි කැදැල්ලක හිමිකාරියක වූවා සේම සේමිණි සිය රංගන දිවියේද විවිධ කඩඉම් කරා ළඟා වූ තැනැත්තියකි. පසුගියදා පැවැති සිග්නිස් සම්මාන උළෙලේදී ඇය ‘කරුවල ගෙදර’ ටෙලි නාට්‍යයේ කළ රංගනය උදෙසා ‘හොඳම නිළිය’ සම්මානය වෙනුවෙන් නිර්දේශිත වූවාය.

‘කරුවල ගෙදර’ ටෙලි නාට්‍යයේ මමත්, චාන්දනී අක්කත් රඟපෑවේ සම චරිත නිරූපණයක්. හොඳම නිළිය සඳහා අපි දෙන්නම නිර්දේශ වෙලා තිබුණා. චාන්දනී අක්කට සම්මානය ලැබුණා. මට සතුටුයි චාන්දනී අක්කා වැනි අති දක්ෂ රංගන ශිල්පිණියක් සමඟ මගේ නම නිර්දේශ වී තිබීම ගැන.

 අනිත් පැත්තෙන් ‘කරුවල ගෙදර’ ටෙලි නාට්‍යය වෙනුවෙන් මම කරපු කැපවීම වෙනුවෙන් නිර්දේශිත නම් අතරට එකතුවීමත් මට සම්මානයක් ලැබුණා හා සමානයි. ඒ නිසා ජාතික කතෝලික සිනමා පර්ෂදයට හා එකී ජූරියට ඒ වෙනුවෙන් මම ස්තුතිවන්ත වෙනවා.

- හේමාලි විජේරත්න

මම විවාහ වුණ නිසා රඟපාන්නේ පරිස්‌සමින්
ඕෂිනී ඩයස්‌ 

මේ දවස්‌වල "දුලංගනා" "සඳ නුඹ නම්" පමණක්‌ නෙවෙයි රූපවාහිනි වෙළෙඳ දැන්වීම් තුළිනුත් ඔබ හමුවන රුවැත්තිය ඇයයි. ක්‍ෂේත්‍රයට ඇය අමුත්තියත් නොවුවත් ඔබ සිත තුළ නම් ඇය ගැන දැනගැනීමේ වුවමනාවක්‌ ඇති බව අපට ස්‌ථිරයි. ඕෂිනි ඩයස්‌, ඇය කවුද......"ඇයගේ පදිංචිය කොහේද......." ඇගේ ජීවන තොරතුරු මොනවාද........ මෙතෙක්‌ මේ ප්‍රශ්නවලට ඔබට ලැබුණ උත්තර මොනවාදැයි මම ඔබෙන් නොවිමසන්නේ තවමත් ඇය ලංකාවේ ජනමාධ්‍ය ඉදිරියේ සම්මුඛ සාකච්ඡාවලට මුහුණ නොදුන් නිළියක්‌ නිසාවෙනුයි.

ඕෂිනී ඔබ රංගනයට සම්බන්ධ වුණේ

2005 වසරේ තමයි මම මූලින්ම රංගනයට සම්බන්ධ වුණේ. මම මුලින්ම ප්‍රධාන චරිතයක්‌ රඟපෑවේ චන්ද්‍රරත්න මාපිටිගම මහත්මියගෙ "පෙති අහුලන මල්" ටෙලි නාට්‍යයෙයි. ඊට පස්‌සේ ටෙලි නාට්‍ය කිහිපයකටමත් සිනමාවටත් සම්බන්ධ වෙන්න මට අවස්‌ථාව ලැබුණා. 

නමුත් අපේ ප්‍රේක්‌ෂකයන්ට සමීප නිරතුරු හමුවුණ නිළියක්‌ නෙමෙයි ඔබ.

මම රඟපෑමට සම්බන්ධ වෙලා ටික කාලයකින්ම ඔස්‌ටේ්‍රලියාවට ගියා. මම එහෙ වසර හතරක්‌ විතර ඉන්න අතරෙයි නැවත රඟපාන්න එකතුවුණේ. ඒ වගේම මම නිළියක්‌ විදිහට පුවත්පත් හා වෙනත් මාධ්‍යවලට මගේ තොරතුරු ලබා දුන්නේ නැහැ.

ඇයි ඔබ ප්‍රසිද්ධියට අකමැති කෙනෙක්‌ද? ඇත්තටම මම රඟපාන්න එනවට අපේ ගෙදරින් කැමැති වුණේ නැහැ. ඒ නිසා මම බොහොම අඩුවෙන් තමයි මේ ක්‍ෂේත්‍රයත් එක්‌ක කටයුතු කළේ. ඒත් මම රංගනයට වගේම වගේ ප්‍රේක්‌ෂකයන්ගේ ප්‍රතිචාර වලටත් බොහෝම ආදරය කරන කෙනෙක්‌.

මේ දවස්‌වල ඔබේ රංගනයන් ඇතුළත් නිර්මාණ ගැන කතා කළොත්.......

"දුලංගනා" සහ "සඳ නුඹ නම්" නිර්මාණවලට වැඩි ප්‍රතිචාර ලැබෙනවා. "සඳ නුඹ නම්" මෙගා ටෙලි නාට්‍යයක්‌ නිසා එම නිර්මාණය සමග දීර්ඝ කාලයක්‌ වැඩ කරන්න වේවි.

ඒ කියන්නෙ ඔබේ ඉදිරිය කාර්ය බහුලයි කියලද.....

ඇත්තෙන්ම නැහැ. මම වෘත්තීය මට්‌ටමෙන් රංගනයෙහි යෙදෙන කෙනෙක්‌ නෙවෙයි. මම විවාහක නිසා විවාහ දිවියට බාධාවක්‌ වෙන විදිහට රඟපෑම් කටයුතු භාරගන්නෙ නැහැ. ඒ නිසා මගේ පෞද්ගලික දිවියට බාධාවක්‌ නොවෙන්නයි මම රඟපාන්න කාලය වෙන්කර ගත්තේ.

ඕෂිනි ඔබ ඔස්‌ටේ්‍රලියාවෙ පදිංචිව සිටින කෙනෙක්‌ද?

මම ඔස්‌ටේ්‍රලියාවට ගියේ මගේ වැඩකටයුතුවලට. එහෙදී මම ඉගෙන ගැනීමත් කළා. මට ඒ රටේත් පුරවැසිභාවය තියෙනවා. ලංකාවේත් පුරවැසිභාවය තියෙනවා. මගේ වැඩකටයුතු අනුව මම මේ දෙරටේම ගත කරනවා. ඉදිරි දිනවල මම නැවත ඔස්‌ටේ්‍රලියාවට යනවා නමුත් දින දහයකින් පමණ නැවත ලංකාවට එනවා රඟපෑම් කටයුතු සඳහා.

ඕෂිනි ඔබේ පෞද්ගලික තොරතුරු ?

මගේ ගම පානදුර. අපේ පවුලේ ඉන්නෙ අම්මයි, තාත්තයි, මමයි, මල්ලියි. මම ඉගෙන ගත්තේ පානදුර යහපත් එඩේරාගේ කන්‍යාරාමයෙන්.