තරුණකම කියන්නේ සෙට් වෙන එක නෙමෙයි

රොෂාන් රණවන

රොෂාන් රණවන ගැන ඔබට අමුතුවෙන් කිව යුතු නැහැ. ඉතාම ඉක්මනින් සිනමාවේ ආකර්ෂණීයත්වය දිනා ගනිමින් පේ‍්‍රක්ෂකයින්ගේ ආදරයට ලක්වූ රංගන ශිල්පියෙක් විදිහටයි අපි රොෂාන් දකින්නේ. මේ වසර රොෂාන්ටත් තීරණාත්මක වසරක්. ඒ රොෂාන් රංගනයෙන් දායක වූ සිනමාපට තුනක්ම මේ වසරේ ඔබට දකින්නට ලැබෙන නිසයි.

කාලයකට පස්සේ අපි රොෂාන් හා වෙනස්ම කතාබහකට යන්න හිතුවා. තවමත් තාරුණ්‍යයේ ඉන්න රොෂාන් ඒ කතාබහේ කළ දෑ මේ පත්ඉරුවේ අපි සටහන් කරනවා.

* රොෂාන් මොනවද මේ අවුරුද්දේ වැඩ කටයුතු

මට මේ අවුරුද්ද බලාපොරොත්තු සහිත අවුරුද්දක් කියලයි දැනෙන්නේ. මොකද 2011 මගේ ජීවිතයේ සන්ධිස්ථාන කිහිපයක්ම හමුවන වර්ෂයක්.

මගේ මොඩ්ලින් ජීවිතේට අවුරුදු 10 යි. මම රංගනයට ඇවිත් අවුරුදු 5 යි. ඒ වගේම මේ අවුරුද්ද වෙනකොට සිනමාපට 10 කට මම දායක වෙලා තියෙනවා. ඒ වගේම මේ වසරේ මගේ සිනමාපට තුනක් තිරගත වෙන්නත් තියෙනවා. චැලෙන්ජර්ස්, සුපර් සික්ස්, මහින්දාගමනය කියන සිනමාපට තුන. තවත් පැත්තකින් මගේ අලුත් නිවහනත් හදා ඉවර කරන්නත් බලාපොරොත්තුවක් තියෙනවා.

* ඔය කියන විදිහට පෞද්ගලික ජීවිතෙත් මොකක් හරි වෙනසක් වෙයි ද?

නැහැ එහෙම නම් වෙනසක් වෙන්නේ නැහැ. හැබැයි මගේ ගීත ඇල්බමයක් රිලීස් කරන්න බලාපොරොත්තුවක් තියෙනවා.

* රොෂාන් තරුණයෙක් විදිහට තාරුණ්‍යය ගැනත් ටිකක් කතා කරමුකෝ.

ඔව් එවැනි දෙයක් අහපු එක හොඳයි. මේ තාරුණ්‍ය කියන එක ගොඩක් අය වරද්දගෙන ඉන්නේ. අද සමහරුන් කියනවා මේ ඉන්න තරුණ පරම්පරාව හොඳයි මත්පැන් සිගරට් වලින් ඈත්වෙලා කියලා. හැබැයි මට නම් එහෙම දෙයක් පෙනෙන්න නැහැ.

මොකද මම ගිය සාදවලදි ඒ අවබෝධය තරුණ පරම්පරාව තුළ අඩුයි කියලා මම දැක්කා. මට තේරෙන්නැහැ තරුණ ගැහැනු ළමයි පිරිමි ළමයි තාම මේ සංස්කෘතියේ ඉන්නේ. නයිට් ක්ලබ් ඔය සමාජ ශාලාවලට යන කෙනකුට තේරෙනවා අද තරුණ පරම්පරාවේ තත්ත්වේ.

* හැබැයි ඔය දේ පොදුවේ සමස්ත තාරුණ්‍යයටම ගෝචර නැහැ නේද?

අනිවාර්යයෙන්ම ඒක මම පිළිගන්නවා. හැමෝම එහෙම නැහැ. හැබැයි මම කියන්නේ අද පාසල් යන ළමයින් පවා ඔය වැරැදි දේ කරනවා මම දැකලා තියෙනවා. සමාජ ශාලාවකට යන්න පුළුවන්නම් මේක හොඳින් තේරුම් ගන්න පුළුවන්.

* සාමාන්‍යයෙන් රොෂාන් නයිට් ක්ලබ් යනව ද?

නැහැ ඇත්තටම නැහැ. මොකද මට එහෙම ගිහින් වැඩකුත් නැහැ. මොකද මම මත්පැන් සිගරට් නොබොන කෙනෙක් නිසා. දවසක් මට අහම්බයෙන් යන්න වුණා. ඒකත් අකැමැත්තෙන් වුණ දෙයක්.

හැබැයි මම තේරුම් ගත්තා මම දැකපු දේවල් හැටියට මේක බොරු වැඩක් තේරුමක් නැති වැඩක් කියලා. මම නම් කියන්නේ දරුවන් මොනවද කරන්නේ කියලා මවුපියන් අනිවාර්යයෙන් හොයා බලන්න ඕන. මේක මම තරුණයෙක් විදිහට ඉල්ලන දෙයක්.

* එතකොට මොකක්ද ඔබ සැබෑ තාරුණ්‍ය කියලා දකින්නේ.

මෙහෙමයි තරුණකම කියන්නේ බොන එකවත් සෙට් වෙන එකවත් නෙමෙයි. සෙට් වෙනවා කියන්නේ ඕක නම් ඒකම වැරැදියිනේ. තාරුණ්‍යයට හොඳින් අපේ රට විඳින්න පුළුවන්. හැබැයි ඒක පවුලටවත් රටටවත් බරක් වෙන්න ඕන නැහැ.

අපිට ලංකාව වෙනුවෙන් ගොඩක් දේ කරන්න පුළුවන්. මම මේ පොර ටෝක් දෙනවා කියලා කෙනෙක් හිතයි. මහණ වෙන්න හදනවා කියලා හිතයි. හැබැයි මම මේ කතා කරන්නේ මම දකින ඇත්ත. මගේ පෞද්ගලික හැඟීම. මොකද අද තාරුණ්‍යය ගොඩක් අතරමං වෙලා ඉන්නේ. තාරුණ්‍යයට වගකීමක් තියෙනවා, ඒ රට වෙනුවෙන් සේවය කරන්න.

* සමහරවිට ඔබට දේශපාලනයට කෙනෙක් ආරාධනා කරන්නත් පුළුවන්.

ආරාධනානම් ලැබුණා මට. උදව් කරන්න කියලත් කිව්වා. හැබැයි මම කියන්න ඕන දේශපාලනය ගැන මගේ කිසිම උනන්දුවක් ආසාවක් නැති බව. වෙන රටක හිටියනම් මම දේශපාලනයට එයි. මොකද දේශපාලනය කියන්නේ උතුම් දෙයක්.

නමුත් අපේ රටේ දේශපාලනය කියන වචනයේ තේරුමවත් දන්නේ නැහැ. ඔය සමාජ සේවය අපේ රටේ සියයට දශම ගාණක්වත් වෙනව ද? සමහරු ළඟ ප්‍රතිපත්තියක් නැහැ. එහෙම නෙවෙයි තමන් ස්වාධීන වෙන්න ඕන. මම නම් කියන්නේ දේශපාලනය අපිට අදාළ නැහැ. මොකද කලාකරුවාට වෙන කාර්යභාරයක් තියෙනවා. මේක මගේ මතය මම දන්නැහැ අනෙක් අය කොහොමද කියලා.

* ඔබ ඡන්දය පාවිච්චි කරලා තියෙනව ද?

අනිවාර්යයෙන්ම. ඔව් මම ඡන්දය පාවිච්චි කරලා තියෙනවා.

* දැන් ඔබේ රංගන දිවියට අවුරුදු පහයි. මේ කාලයට යමක් කරන්න ලැබුණා කියලා හිතනව ද?

මම යමක් කළා කියලා හිතනවා. මොකද මම පේ‍්‍රක්ෂකයින් අතරට ගිහින් තිබෙන නිසා. මේ කාලයට හොඳ නිර්මාණ මම කරලා තියෙනවා. චරිතාංග නළුවකු වෙන්න ලැබුණු කාලය මදි. මොකද මට පරිපූර්ණ වෙන්න එකතු කරගන්න ගොඩාක් දේ තියෙනවා.

* පසුගිය කාලේ ඔබ රියැලිටි තරග සඳහාත් සහභාගි වෙනවා අපි දැක්කා.

ඔව් මට ඕන වුණා අත්දැකීම විඳගන්න. හැබැයි ඉතිං ඉතාම ස්වල්පයක් විතරයි හරියට වෙන්නේ. එක පැත්තකින් ගම්වල දක්ෂ තරුණ පිරිසක් හඳුනා ගන්න පුළුවන් වුණා. ඒ නිසා යම් සේවයක් වෙලා තියෙනවා. නමුත් ඔය එස්එම්එස් ක්‍රමය ගැන නම් අපි දන්නේ නැහැ. එහි හරි වැරැද්ද දන්නේ ඇතුළේ ඉන්න අයම තමා.

* ඔය ජනපි‍්‍රයත්වය කියන දේ රොෂාන්ට දැනෙන්නේ කොහොමද?

ඔව් ඒක ජීවිතේට විවිධ විදිහට බලපානවා. සමහර වෙලාවට පෞද්ගලික නිදහසට ඒක බාධාවක් කියලත් හිතෙනවා. තවත් වෙලාවකට හොඳයි කියලත් දැනෙනවා. මොන දේ වුණත් කල්පනා කරලා වගකීමෙන් ජීවත්වෙන්න වෙනවා.

මොකද අපි දිහා බොහෝ දෙනෙක් බලාගෙන ඉන්නවා. ලොකු කුඩා භේදයක් නැතිව. ඉතිං ඒ අයට ආදර්ශයක්ව ඉන්න ඕන. අනෙක ජනපි‍්‍රයත්වය කියන දේ ආභරණයක් කරගන්න එක හානියක් කියලයි මම දකින්නේ.

* මෑත කාලීනව සිනමාවට එක්වූ යුගයක් පූජා - රොෂාන් යුගය. නමුත් පූජා සිනමාවෙන් සමුගන්නවා කියන රාවයත් එක්ක රොෂාන් මොකද හිතන්නේ.

ඔව් මෙහෙමයි පූජා එක්ක මම චිත්‍රපට කිහිපයකම වැඩ කළා. නමුත් ඉතිං ඇය අයින්වුණා කියලා ඒක එතරම්ම මට බලපාන දෙයක් නෙමෙයි. එහෙම වුණාම තවත් වෙන කවුරු හෝ නිළියක් ඉඳියි. අනිවාර්යයෙන්ම එහෙම ආදේශකයක් තියෙන්න ඕනනේ.

ඔබ කියන ආකාරයේ යම් ගැලපීමක් තිබුණා. අපේ සිනමාවේ විජය - මාලිනි, ගාමිණි - මාලිනි, සනත් - සබීතා එහෙම යුග තිබුණනේ. නමුත් පූජා නැති වුණත් වෙන කවුරු හෝ ඒ තැන ඉඳියි.

ඔව් මම සංජු මම දුක් විඳින්න අකමැති කෙනෙක්

සංජු සමනළී රොඩ්රිගෝ මේ දිනවල ගැහැනු ළමයි ටෙලි වෘත්තාන්තයේ ‘පද්මිණී’ ලෙස ජනප්‍රිය වුවද, ඇය රූපවාහිනී නිවේදිකාවකි. ඈ සතු මුඛරි බව, කෙළිලොල් බව නිසාම ප්‍රේ්ක්ෂක හදවත් තුළ ලැගුම් ගන්නට තරම් සංජු වාසනාවන්තියක වී තිබේ.

‘මගේ ගම පානදුර. ඉගෙන ගත්තෙ පානදුර අගමැති බාලිකා විද්‍යාලයේ. ඉස්කෝලෙ යන කාලෙ ඉඳලම මම ටිකක් කටකාරයි. මේ කටකාරකම නිසාම මගේ ලොකු අක්කා හැම වෙලේම කියනවා මම නිවේදිකාවක් වෙන්නයි හොඳ කියලා.’

වැඩිමහල් සහෝදරියන් හතර දෙනෙකුගෙන් යුත් පවුලට සංජු එක් වන්නේ පවුලේ බඩපිස්සී ලෙසයි. පවුලේ බාලයා නිසාම හුරතලයෙන් හැදුන සංජුට ඇගේ ලොකු අක්කා කියු පරිදිම නිවේදිකාවක් වන්නට වරම් ලැබිණි.

‘ඉස්කෝලෙ යන කාලෙම මම ශ්‍රී එෆ්. එම්. එකේ නිවේදිකාවක් විදිහට කටයුතු කළා. එතනදි මම ලැබූ පුහුණුව වචනයෙන් විස්තර කරන්නත් බැරි තරම්. ඊට පස්සෙ වයි. එෆ්. එම්. එකට සම්බන්ධ වුණා. ඊට පස්සෙ තමයි මැක්ස් ටී. වී. එකට සම්බන්ධ වුණේ.

ගුවන් විදුලි නිවේදිකාවක ලෙස නිවේදන ක්ෂේත්‍රයට පිවිසි සංජු, මැක්ස් ටී. වී. තුළින් ප්‍රේක්ෂක හදවත්වලට ළෙන්ගතු මිතුරියක් වූ බව නොරහසක්.

‘පාරාදීසය සජීවි වැඩසටහන තමයි මැක්ස් ටී. වී. එකේදී මම මුලින්ම කළේ. කිසිම බයක්, චකිතයක් නැතුව මම ඒ වැඩසටහන කළා. ඊට පස්සෙ උදේ ඉඳන් රෑ වෙනකල්ම මැක්ස් එකේ් වැඩසටහන් කළේ මම.’

‘නමුත් දැන් ඔබ මැක්ස් රූපවාහිනියෙ නැහැ.’

ඔව්, මට ගැහැනු ළමයි ටෙලි නාට්‍යයෙ රඟපාන්න ලැබුනෙ ‘මැක්ස්’ එකේ ඉන්න කොට. ‘පද්මිණී’ කියන්නෙ යමක් කළ හැකි චරිතයක් නිසා මං ඒ ආරාධනාව පිළිගත්තා. ඒත් ෂූටිං දිගට වැටෙන කොට මට පූර්ණකාලීන නිවේදිකාවක් විදිහට රැෙඳන්න බැරි වුණා.

‘රඟපෑම නිසා නිවේදනය අත හරින්න සූදානම් කියලද කියන්නේ?’

‘කවදාවත් නැහැ. මම තවම නිවේදිකාවක්. ෆ‍්‍රී ලාන්ස් නිවේදිකාවක් විදිහට මම ස්වර්ණවාහිනියෙ වැඩසටහන් කීපයක්ම කරනවා. නිදහස් නිවේදිකාවක් විදිහට ඉන්න එකත් හොඳයි කියලා හිතෙනවා. එකම තැනක ඉඳන් ඒකාකාරී වෙනවට වඩා මේ විදිහට වැඩසටහන් කරන එක හොඳයි.’

තමන් ඉදිරිපත් කරන වැඩසටහන හොඳින් කරගෙන, ප්‍රේක්ෂකයා තමා වෙතම රඳවා ගැනීම නිවේදිකාවකගේ වගකීම බව සංජුගේ මතයයි.

‘මම හැමදාමත් සරල බසින් ප්‍රේක්ෂකයා ඇමතුව කෙනෙක්. මා කරන වැඩසටහන අනුව, එය බලන ප්‍රේක්ෂකයා පිළිබඳව වටහාගෙන ප්‍රියමනාපව මගේ රාජකාරිය කරපු කෙනෙක්. නිවේදිකාවක් කියලා දැන් අපට ඇහෙන, සමහරු භාවිතා කරන පහත් වචන මං තුළ කවදාවත් නැහැ. තොරතෝංචියක් නැතුව කියවන එකවත්, දෙපිට කැපෙන කතා කියන එකවත් නිවේදන වෘත්තියට සුදුසු නැහැ කියලා මං හොඳින් අවබෝධ කරගෙන ඉන්න කෙනෙක්.’

‘හතු පිපෙනවා වගේ නිවේදක නිවේදිකාවෝ ආවට, දවසක රැඳෙන්නෙ, පැවතෙන්නෙ දක්ෂකම තියෙන කෙනා විතරයි’ සංජු පවසන්නේ මුසාවක් නොවනා වග අපි ද දන්නා වූ කරුණකි.

ගැහැනු ළමයි හි පද්මිණී ලෙස සංජු කරන රඟපෑමට ලැබෙන ප්‍රතිචාර සතුටුදායක බැව් ඇය අප සමඟ පවසයි.

‘සමහරු බනිනවා මට. ඒ ඉතින් මම මට ලැබුන චරිතය හොඳින් කරන නිසා කියලා දැනෙනවා.

වහින්න මුතු වැස්සක්, මායා මන්ත්‍රී ඇතුළු ටෙලි නාට්‍ය පහකට මම රංගනයෙන් දායක වුණා. ඒ වගේම එරංග සේනාරත්නගෙ අලුත්ම චිත්‍රපටයෙත් රඟපානවා.

තව ටෙලි නාට්‍ය කීපයකටම ආරාධනා ලැබිලා තියෙනවා. මම ලැබෙන හැම දේම බාර ගන්නෙ නැහැ. ගොඩාක් ඈත ෂූටිං තියෙන ඒවට මම යන්නෙ නැහැ. මම දුක් විඳින්න ටිකක් අකැමැති කෙනෙක්.

නිවේදිකාවක්, නිළියක් ලෙසින් ප්‍රේක්ෂක ආදරය ලබන සංජු දැනටමත් පෙම්වතියක්.

‘ඔව් මං පෙම්වතියක්. එයා ව්‍යාපාරිකයෙක්.

මගේ කලා කටයුතුවලටත් උපරිම සහයෝගය දෙනවා. විවාහ වෙන්න තව ටික කාලයක් යයි’ තම පෙම්වතා ගැන කතා කරන සංජුගේ හඬ පුරාම රැඳී තිබුණේ සතුටයි.

වැලන්ටයින් මල් පිපේදැයි බලන්න

පෙබරවාරි 14 පෙම්වතුන්ගේ දිනය කියලා නොදන්න කෙනෙක් නැහැ. එදාට ආදරවන්තයින් එකිනෙකා තෑගි හුවමාරු කරගෙන ‘වැලන්ටයින්ස් ඩේ’ සමරනවා.

අපේ ජනප්‍රිය ගායන ශිල්පී මධුමාධව අරවින්දත් පෙබරවාරි 14 වෙනිදාට ‘වැලන්ටයින්ස් ඩේ’ අති උත්කර්ෂවත් විදිහට සමරන්න යනවා කියලා අපිට ආරංචි වුනා. මධූගේ අරවින්ද යායෙ මල් පිපෙන කාලය දිහා බලන් හිටපු යාළුවෝ මේ දවස එනකල් බලන් ඉන්නවලු

වැරදුණත්, හරි ගියත්
එයාගෙ තීරණයම තමයි
මර්වින් සිල්වා ඇමැතිතුමාගේ බිරිය ලූසීඩා නවලිය සමඟ


 ප්‍රියමනාප කාන්තාවකි. සුන්දරත්වය ඇගේ මුහුණින් මනාව පිළිඹිබු වෙයි. සුහදශිලිත්වය ඉහළින්ම තිබෙයි. මම ඇය අබියස අසුන් ගෙන සිටිමි.

මහජන සම්බන්ධතා සහ මහජන කටයුතු අමාත්‍ය ආචාර්ය මර්වින් සිල්වා මහතාගේ බිරිඳ ඇයයි. නමින් ඇය ජයමාන්න ආරච්චිලාගේ මේරි ලුසීඩා මහත්මියයි.

මම ඇය සමග කතාබහට එක්‌වුණෙමි. බිරිඳක්‌ තම ස්‌වාමිපුරුෂයා පිළිබඳ කරන කතාබහ වඩාත් රසවත් වන්නේ සත්‍ය නොසඟවා කතා කිරීමෙනි. නැතිනම් අපට හැමදාමත් අසන්නට වෙන්නේ ස්‌වාමි පුරුෂයාගේ වැරදි සඟවාගෙන කතා කරන බිරිඳක වෙතින් තම ස්‌වාමි පුරුෂයාගේ අනන්ත අප්‍රමාණ ගුණකඳය.

එය එසේ නොවී සත්‍ය ඇති සැටියෙන් කතා කළ අපූරු ඇමැති බිරිඳ ඉතාම නිහතමානි කාන්තාවක වූවාය.

* ඇමැතිතුමා සහ ඔබගේ මංගල ඡායාරූපයේ මින් පෙර කොහේදිවත් නොදුටු දෙයක්‌ මා දුටුවා,

ඔබ කියන දේ ඇත්ත. මහත්තයා කිහිලිකරුවලින්.

* ඇයි කියලා දැනගන්න කැමතියි

එයා අපේ මව්පියන්ට යෝජනාවක්‌ ගෙනාවා. අද වගේ මට මාසය මතකයි. ජුනි මාසේ. ජනවාරි මාසේ මහත්තයා දරුණු රිය අනතුරකට ලක්‌වුණා. කකුල කපන්න වෙයි කියල ඩොක්‌ටර්ස්‌ලා කිව්වා. මාව නැතිවෙයි කියලා මහත්තයාගේ හිතේ පුංචි බයක්‌ ඇතිවෙලා. ඒ නිසා අපි පෙබරවාරි මාසයේ විවාහ වුණා. මංගල ඡායාරූපයේ මහත්තයා කිහිලිකරුවලින් ඉන්නේ ඒකයි.

* ඇමතිතුමා ඔබේ මව්පියන්ට යෝජනාවක්‌ ගෙනෙන්න මූලික වූ කාරණය

මම ඉස්‌සර සිනමාවට, සිනමා පත්තරවලට හරිම කැමතියි. අපේ ගම කුලියාපිටිය. මගේ පියා පවුලේ එකම දරුවා. මම අපේ පවුලේ වැඩිමහල් දරුවා නිසා, අපේ තාත්තා මාව ආච්චිටයි - සීයටයි බාර දුන්නා. ඒකට ලොකුම හේතුව බාල සහෝදර - සහෝදරියන්. ආච්චියි - සීයයි මං කියන විදිහට. සිනමාවටත් කැමති කරවා ගත්තා.

ඔන්න දවසක්‌ සරසවිය පත්තරේ "අපිත් සූරයෝ" චිත්‍රපටියට නිළියක්‌ අවශ්‍ය බවට දැන්වීමක්‌ පළකර තිබුණා. 73 වර්ෂයේ කුලියාපිටියේ අවුරුදු කුමාරි මම. ඉතිං ඇප්ලිකේෂන් එකක්‌ දැම්මා. සම්මුඛ පරීක්‌ෂණයට කැඳෙව්වා. විනිශ්චය මණ්‌ඩලයේ එක්‌කෙනෙක්‌ අපේ මහත්තයා.

එයා මාව ඉන්ටර්වීව් කළේ ෆිල්ම් එකට නෙමෙයි. මගෙන් ඇහුවේ පුද්ගලික ප්‍රශ්නමයි. එහෙම තමයි මහත්තයා ගෙදරට යෝජනාව ගෙනාවේ.

* ඉතිං ඔබ කැමති වුණා.

මට එතකොට අවුරුදු පහළොවයි. කිසිම තේරුමක්‌ නැහැ. මමත් කැමතියි කිව්වා.

* තේරුමක්‌ නැතිව කැමති වුණා කිව්වේ.. ඔබ ගත් තීරණය වැරදිද?

නැහැ. වෙලාවකට මට හිතෙනවා විවාහයට ඉක්‌මන් නොවී තව ඉගෙන ගන්න තිබුණයි කියා.

* ඔබේ මහත්තයා කොයි වගේ කෙනෙක්‌ ද?

මට සහ දරුවන්ට සෑම යුතුකමක්‌ම ඉටු කරන, මං ගැන හොඳට සොයලා බලන මහත්තයෙක්‌. කේන්තියාම, හදිස්‌සි තීරණ ගැනීම ගැනත් ටිකක්‌ කියන්න ඕනේ.

* බිරිඳ වශයෙන් ඔබට එම තත්ත්වයන් පාලනය කර ගන්න තිබුණානේ,

මම පුළුවන් තරමින් කියනවා. නොකියනවා නෙමෙයි. ඒ දේවල් කියනවාටවත් මහත්තයා ආසා නැහැ. එයාගේ මතයම තමයි.

* නිවසේදී තීරණ ගැනීම ගැන කතා කළොත්,

අපි හිතනකොට එයා තීරණ අරගෙන ඒවා ක්‍රියාත්මක කරලත් ඉවරයි. වැරදුණත්, හරි ගියත් එයාගේ තීරණයම තමයි. මත ගැටුම් ඇතිවෙනවා. නැතිව නොවෙයි.

* වැරදුණු තීරණ හමුවේ එතුමා දක්‌වන ප්‍රතිචාර,

එයාට ගානක්‌ නැහැ. කොච්චර පාඩු වෙනවද. ටිකක්‌ හරි අහයි කියලා මමත් ඉතිං නිශ්ශබ්දව ඉන්නේ නැහැ. පුළුවන් තරමින් පහදා දෙනවා.

* ඉතිං පිළිගන්නවා?

මොන පිළිගැනීමක්‌ ද?

* ඔබ දෙදෙනා ආගම් දෙකක වීම ප්‍රශ්නයක්‌ වෙලා නැතිද?

මහත්තයා බුද්ධාගමේ. මම කතෝලික ආගමේ... අපි සෑම ආගමකටම ගරු කරනවා. අපි දෙන්නාගේම ආගම් දෙකේ සෑම උත්සවයක්‌ම සමරනවා. ආගම අපිට කවදාවත් ප්‍රශ්නයක්‌ වෙලා නැහැ.

* නිවසේ වැඩකටයුතු වලට එතුමා දක්‌වන සහයෝගය?

හැකි වෙලාවට අවශ්‍ය දේවල් කරලා දෙනවා. නිවාඩුවක්‌, විවේකයක්‌ නැතිකම තමයි ප්‍රශ්නය. හැබැයි ඒ කොහොම වුණත් අපිට අසනීපයක්‌ වුණොත් අනිවාර්යයෙන්ම එවැනි අවස්‌ථාවට පැමිණෙනවා. සහයෝගය දක්‌වනවා. කෙසේ වෙතත් මහත්තයා නිසා අපේ නිවසේදී අපේ නිදහස අපිට නැතිවෙලා තියෙනවා.

* ඇයි එහෙම කියන්නේ,

ඕනෑම වෙලාවක අපේ නිවසේ සෙනඟ. මහත්තයා මුණ ගැසෙන්න වෙලාවක්‌ අවේලාවක්‌ නැහැ. මහත්තයාගේ සිරිත ඕනෑම කෙනෙකුගේ ප්‍රශ්න කැමත්තෙන්ම බාරගෙන විස¹දීම. ඉතිං ඒකයි, නිවසේදී අපේ නිදහස නැහැයි කිව්වේ.

* ඔබ ඇමැති බිරිඳක්‌. එය බලාපොරොත්තු විය යුතු දෙයක්‌.

ඒත්...හැමෝම එහෙමද. අපේ මහත්තයා හැමෝම එක්‌ක කතා බහ කරන නිසයි ඔය තත්ත්වය මතුවෙලා තියෙන්නේ.හැබැයි ඉතිං අපි දැන් ඒ දෙයට පුරුදු වෙලා. කරදරයක්‌ කියලා දැනෙන්නේ නැහැ.

* ඇමතිතුමා දරුවන්ට ආදරණීය පියෙක්‌,

ඔව් කිව්වොත් හරි. හේතුව දරුවන්ට ඒ වගේ ආදරය කරන තාත්තා කෙනෙක්‌ මම දැකලා නැහැ. පුතා මාලක මනෝජිත් සිල්වා. පුතා තමයි තාත්තගේ පුද්ගලික ලේකම් දුව සන්දීපනී මාලිකා, විවාහක යි. ඒ පුතාගේ නම මාධව අගුළුගහ. ව්‍යාපාර කටයුතුවල නිතර වී ඉන්නවා. මුණුබුරාට අවුරුදු 3 යි. නම රිතූ ආකර්ශන, සීයාගේ පණ තමයි ඒ. දුව පදිංචිවෙලා ඉන්නේ නාවල. තව බබෙක්‌ ලැබෙන්නත් ඉන්නවා. මහත්තයා ලංකාවේ ඉන්නවා නම් අනිවාර්යයෙන් ම එහෙ යනවාම යි.

* ඇමැතිතුමාගේ කාර්ය බහුලකම ඔබට පීඩාවක්‌ වෙලාද?

ඇත්තෙන් ඔව්. මගේ ළඟින් තියා ගන්න ලැබෙන්නේ නැහැනේ. කොහොම වුණත් එන්න එන්නම කාර්ය බහුලකම වැඩිවෙනවා. ජනතා සේවය ගැන හිතලා මම සතුටු වෙනවා.

* තරුණකම රැකගෙන ලස්‌සනට ඉන්න මහත්තයාගෙන් ලැබෙන සහයෝගය

අපේ ජීවිතත් සාමාන්‍ය විදිහට ගෙවෙනවා. එහෙමයි කියලා විශේෂ දෙයක්‌ නැහැ. මට අඩු නැතිව යුතුකම් ඉටුකිරීම තුළ ඔය කියන තත්ත්වය රැකෙනවා ඇති.

* ගමන් බිමන් යන විට මහත්තයත් හිටියා නම් හොඳයි කියලා හිතෙන්නේ නැතිද?

අවශ්‍ය සෑම තැනට ම එයා ඉන්නවා. සාමාන්‍ය ගමනට බිමනට මහත්තයා නැති එක හොඳයි. නැතිනම් යන වැඩේ කරගන්න බැරිවෙනවා. හැමෝ ම ඇවිත් මහත්තයාව වටකර ගන්නවානේ.

* ඔබ සතුටින්,

ඇයි නැත්තේ, තවත් ලබන්න දෙයක්‌ තියෙනවද?

අගමැති පුටීන් අනියම් පෙමක පැටලේ